Sun 10-11-1442AH 20-6-2021AD

مشیر صحت ڈاکٹر ظفر مرزا کے مالی اختیارات ختم

وزیراعظم عمران خان کی ہدایت پر مشیر صحت ڈاکٹر ظفر مرزا کے مالی اختیارات ختم کردئيے گئے۔ مالی معاملات سے متعلق سمریاں براہ راست وزیراعظم کو بھجوائی جائیں۔

گزشتہ ہفتے وفاقی کابینہ کے اجلاس کے دوران انکشاف ہوا تھا کہ بھارت سے صرف جان بچانے والی ادویات درآمد کرنے کی اجازت دی گئی تھی مگر اس کی آڑ میں 80 کے قریب دیگر ادویات بھی درآمد کی جاتی رہیں۔

اس معاملے پر جب مشیر صحت ظفر مرزا سے پوچھا گیا تو انہوں نے لاعلمی کا اظہار کیا جس پر وزیراعظم نے تحقیقات کا حکم دیا تھا۔

آج وزیراعظم سیکرٹریٹ نے ڈاکٹر ظفر مرزا کے مالی اختيارات ختم کرکے وزارت صحت کو ہدایت کی ہے کہ مالی معاملات سے متعلق سمریاں براہ راست وزیراعظم کو بھجوائی جائیں۔

وزیراعظم سیکریٹریٹ کے مطابق ڈاکٹر ظفر مرزا منظوری کے بغیر احکامات جاری کرتے رہے ہیں۔

Read Previous

طیارہ حادثہ:97 افراد کی شہادت کی تصدیق،محکمہ صحت

Read Next

پاکستانی ڈرامے ڈپریشن بڑھا رہے ہیں؟